作者 Super User
點擊數:2076

1. 開冷氣瞓教

停車時,引擎喺怠速狀態,汽油燃燒不完全,產生嘅一氧化碳等有毒氣體更多。如果氣體進入車內,容易造成車內人員頭痛、胸悶等情況,如果真係要合眼小休,車窗最好留番一條小空隙透氣。

 

2. 唔熄冷氣就熄匙

熄匙之後冇熄埋個冷氣,有機會傷害引擎。因為每次撻着架車嗰陣,引擎都會連住冷氣嘅負荷嚟啟動,如果長時間都喺高負荷嘅情況下撻匙,有機會影響引擎壽命。正確嘅做法:就快到目的地嘅時候,首先熄咗個冷氣系統(AC按鈕),然後將出風機既風速開到最大,吹乾出風通道,防止細菌滋生。

 

3. 從來都唔用大風速

好多車主覺得將個風速開到最大,會對引擎有影響,而且又有噪音。其實,除咗準備落車前要開大風速之外,上車時都應該開大風速,呢個都係其中一種清潔嘅方法。架車停咗成晚,通風管自然會有細菌灰塵之類嘅雜質,將個風速扭到最大將其吹出,都係令冷氣清潔嘅一種方法。

分類: