1. 撻唔著車，試咗幾次都唔得，就唔好再嘗試撻匙喇。

2. 首先打開引擎蓋，檢查清楚電池箱接線位有冇鬆動。 

3. 接線位冇問題或者整番緊之後，如果都係撻唔著架車，就可以搵附近車位嘅車借電。

將兩部車泊埋一齊，然後搵條擁有足夠負荷又係絕緣表面俗稱「過江龍」嘅粗電線嚟搭電喇。首先，確定兩部車嘅電池嘅正極同埋負極，分別連接起來，要確保電線嘅連接係妥當，喺引擎運轉嗰幾分鐘可以有充足嘅電流。之後好似平時咁正常撻匙去撻着冇電嘅車，等一陣冇問題之後，就可以拆番走條過江龍。